MEEQQAT ATUARFIAT

Kalaallit Nunaat ukiut 100 sinnerlugit pinngitsoorani atuartuusussaatitaaneq ingerlassimavaa. Ukiuni qulingiluani pinngitsoorani atuartuusussaaffiuvoq ukiunilu atuarfiusuni 10-anni aamma 11-anni atuartitsinissaq neqeroorutaasarluni. Atuartitaaneq akileraarutinit akilerneqartarpoq.

Meeqqat atuarfiannut aqunneqarneranullu inatsisitigut tungavissat Inatsisartut aalajangersartarpaat, qitiusumillu allaffissornikkut aammalu suliassatigut ingerlatsinerit Kultureqarnermut, Ilinniartitaanermut, Ilageeqarnermut Ilisimatusarnermullu Naalakkersuisoqarfiup isumagisaralugit.

Kommunini kommunalbestyrelsit tassaapput atuarfiit ingerlanneqarnerannut anguniakkanik toqqammavissanillu aalajangersaasartut. Atuarfiit ingerlanneqarnerinut tunngavissatut siunertarineqartutullu aalajangersakkat iluanni iliuusissanik pilersaarusiortussanik atuarfiit tamarmik siulersuisoqarput. Atuarfinni minnerusuni suliassat taamaattut nunaqarfinni aqutsisut isumagisinnaasarpaat.

Kommunini ataasiakkaani atuarfeqarfiit allaffissornikkut atuartitsinikkullu atuarfeqarnermut pisortamit imaluunniit atuarfiup pisortaaneranit isumagineqartarput.

 

Takussutissiaq 1

Atuarfimmi atuartut amerlassusiat

	1995 /96	1997 /98	1998 /99	1999 /00	2000 /01	2001 /02	2002 /03	2003 /04	2004 /05	2005 /06	2006 /07	2007 /08	2008 /09	2009 /10
Katil-lugit	10.422	10.790	11.087	11.164	11.315	11.368	11.350	11.344	11.280	11.079	10.688	10.255	…	9.291
1.-3. klasse	3.227	3.354	3.349	3.322	3.311	3.155	3.028	3.042	2.929	2.884	2.656	2.582	…	2.507
4.-9. klasse	5.473	5.462	5.794	5.957	6.208	6.162	6.258	6.362	6.357	6.178	6.018	5.794	…	3.472
10.-12. klasse	1.547	1.763	1.746	1.672	1.796	1.762	1.756	1.940	1.994	2.017	2.014	1.879	…	2.828
Immik-kut klassit	175	211	198	213	211	289	308	341	393	417	414	352	…	484
Taak-kuna-nnga nuna-qarfiit	1.784	1.831	1.829	1.859	1.928	1.894	1.928	1.864	1.826	1.764	1.673	1.492	…	1.541

Malugiuk: 1.-12. klassini atuartut amerlassusiannut ilaavoq immikkut ittumik klassini atuartut.

Malugiuk: 2007/2008-imi Iginniarfiup Atuarfiata kisitsisai ilaanngimmata. Tassani Kangaatsiap Kommuneqarfiata ataani pineqarput.

Najoqqutaq: Kultureqarnermut, Ilinniartitaanermut, Ilisimatusarnermut, Ilageeqarnermullu Naalakkersuisoqarfik (KIIIN)

 

2002-miit ukiuni qulini meeqqat atuarfiat alloriarfinnut pingasunut immikkoortiterneqarsimavoq, nukarlernut alloriarneq ukiunik pingasunik sivisussusilik, akullernut alloriarneq ukiuni sisamani sivisussusilik angajullernullu alloriarneq ukiuni pingasuni sivisussusilik. Ukiut qulingiluat pinngitsoornani atuartussaaffiuvoq.

Alloriarnerni tamani ilinniartitsissutit tamarmik ilinniartitsissutigineqartarput:

• Oqaasilerineq, tassa imaappoq kalaallisut, qallunaatut, tuluttut oqaatsillu allanertat allat
• Kulturi inuiaqatigiilerineq upperisarsiornermik filosofimillu atuartitsinerit
• Atuartitsissutit matematikki aamma pinngortitaq
• Inuttut inerikkiartorneq, tassa peqqinneq, inooqatigiinnikkut misigissutsikkullu ilikkagaqarniarnermi atuartitsineq, ilinniagaqarnissamik inuussutissarsiutissamillu qinersiniarnermi paasisitsiniaaneq aamma tarnikkut inuttullu inooqatigiinneq pillugu sammisat
• Najukkami toqqagassat, tassa imaappoq nipilersorneq kiisalu kulturikkut, isumaginninnermi inuussutissarsiutinulluunniit sammisunik ingerlataqarneq.

 

Atuartunut immikkut atuartinneqarnissamik pisariaqartitsisunut atuartitsineq ingerlanneqartarpoq. Perorsaanikkut/tarnikkut siunnersuinikkut isumasioqatigiinneq malillugu atuartitsineq aaqqissuunneqassaaq.

10. aamma 11. klassit nalinginnaasumut, najukkami inuussutissarsiutinik ilinniartitaanermut, annertusisamullu, ilinniarnertuunngorniarfinnut, avillugit sammitinneqarput.

Ukiuni qulingiluani meeqqat atuarfianni atuareernerup kingornagut atuarfiup qimannissaanut periarfissaq atuartut amerlanngitsut atortarpaat. Angajoqqaat atuarfillu isumaqatigiissutigigaangassuk ukiut atuarfiusut arfineq pingajuisa kingorna meeqqat atuarfiannit atuarunnaarnissamut periarfissaq ataasiakkaat atortarpaat.

 

Takussutissiaq 2

Meeqqat atuarfianni misilitsinnerit

	1990	1995	1998	1999	2000	2001	2002	2003	2004	2005	2006	2007	2008	2009
Katillugit	2.267	3.810	3.963	4.429	3.612	3.672	3.996	3.954	4.146	4.220	4.547	4.833	9.723	10.883
Meeqqat atuarfiata misilitsis-sutaa (FSA) 1)	1.940	1.935	2.094	2.020	1.864	1.598	1.857	1.861	2.081	2.168	2.313	2.531		-
Meeqqat atuarfiata annertusi-samik mi-silitsissutaa (FSUA) 1)	327	1.875	1.869	2.409	1.748	2.074	2.139	2.093	2.065	2.052	2.234	2.302		-

Nassuiaat: 1) Kisitsisit takutippaa fagini ataasiakkaani gruppit amerlassusiisa katinnerat, taamaattumik atuartut ataasiakkaat arlaleriarlugit ilanngunneqartarsinnaasarput.

Malugiuk: Kangaatsiaq aammalu Avanersuup Kommunea ilanngunnagit.

Najoqqutaq: Kultureqarnermut, Iilinniartitaanermut, Ilisimatusarnermut, Ilageeqarnermullu Naalakkersuisoqarfik (KIIIN)